Geskryf deur Nana, opgedra aan haar kleindogter, Riley

‘n Vreugdevolle viering op

‘n warm Lente-oggend met

helder blou lug en sonskyn.

Familielede en vriende

kom van heinde en verre

met vol geskenksakke.

Vrolik, kleurvol en oulik.

Piepklein kleertjies met

fraai frilletjies en valletjies.

Weggooidoeke, handdoeke,

spoegdoeke, snotsuigers,

waslappies, natlappies,

borslappies en bottels.

Openbare aankondiging

van die aankoms van ‘n

kosbare, klein dogtertjie.

Steeds veilig verberg

vir nog sewe weke lank,

diep binne-in die skuilplek

van haar mamma se lyf.

Omgeeharte loop oor met

geloof, hoop en liefde.

Dankbetuiging in die mooi

bederfgeskenkies van die

opgewonde gasvrou, ook

die baie trotse nuwe ouma.

Almal vier twee vroue—

Chanré, lankal geliefd,

die sprankelende mamma

en haar ongebore dogtertjie

Riley, alreeds geliefd.