’n mensweesgedig

Dankie Jack van Aswegen (jaxonnator) vir die lied-weergawe!

Met oorgawe,

het jy alles gegee.

Deursigtig en deugsaam

met deurslaggewende

deursettingsvermoë.

Nie teruggestaan

of toegegee of

tou-opgegooi nie.

Grypgierige gevoelens

van verworpe verlatenheid.

Stilte verbreek om die

stilgemaaktes vry te maak.

Sluier gelig op stukkend.

Diep. Dapper. Dringend.

Blootgestel en beseer.

Jou seer skreeu uit, jou

smeke skeur skeidings.

O, my siel, gee gehoor,

luister mooi na die

Een Wie se roepstem

saggies en teer is.

Mag Sy troos jou

met teerheid

saggies toemaak.