in die enkelstem van ‘n hele Tribe aan hulle beskeie TribeMaster-held
Liewe leser, neem asseblief kennis daarvan dat die waterdrinkbelofte waarna in die gedig verwys word, eintlik ‘n besonder-diep persoonlike gelofte aan die Heer is. Dis ‘n merkwaardige gebaar van uitstaande onselfsugtigheid en nie vanuit ‘n gedragsveranderende verslawingsherstel nie. Let ook op hoeveel pizzas dit neem om hierdie Tribe te versadig vir ‘n enkele ete. 😎
Hoe op aarde het ons jou verdien?
Ons sê dankie met hierdie liedjie
Met al ons liefde van jou hele Tribe
Jou lewe is uitverkoop aan ons Here Jesus
Jou kosbare menswees getuig daarvan
Jou waterdrinkbelofte is vandag 18 jaar oud
Ons vier saam met jou en ons vier jou!
Jy is een van ons se Liefie
Jy is nege van ons se Dad
Jy is amper ses van ons se Oupa en
Jy is almal van ons se TribeMaster
Jou lewe is uitverkoop aan ons Here Jesus
Jou kosbare menswees getuig daarvan
Jou waterdrinkbelofte is vandag 18 jaar oud
Ons vier saam met jou en ons vier jou!
Jy is slim en sterk en snaaks
Jy is vaardig en veerkragtig en veelsydig
Jy is toegewyd en teenwoordig en jy kan toor
Jy is gelowig en gaaf en goedhartig
Jy weet hoe om te lei, te leer en lief te hê
Jy weet hoe om te volg, te vergewe en te volhard
Jy weerspieël en wys die weg aan na Jesus
Jy weet wie jy is en jy weet waar jy moet wees
Jou lewe is uitverkoop aan ons Here Jesus
Jou kosbare menswees getuig daarvan
Jou waterdrinkbelofte is vandag 18 jaar oud
Ons vier saam met jou en ons vier jou!
Lulu, Wouter, met trane in die oë en diep in die siel, ontvang ons op hierdie Saterdagoggend die seën van so ‘n waarderingsgedig aan ‘n huweliksmaat, ‘n lewensmetgesel, ‘n oupa in julle familie en ‘n vriend vir ons. Die mooiste hiervan is dat ons jou drinkwaterbelofteman so goed soos ‘n familielid ken. Dat hierdie foto soos hy is, dat hy IS wat jy in die huldeblyk aan hom skryf. Dalk moet ons op hierdie Saterdagoggend net vir die HERE dankie sê vir die voorbeeld van ware, deurleefde en geleefde Christenskap wat Wouter vir ons is. En vir die voorbeeld van intense waardering vir ander, vir diepe omgee, vir matelose liefde wat JY vir ons is. Julle twee verdien mekaar. Mag die HERE julle nog dekades lank vir mekaar en in sy Koninkryk op aarde spaar. Dankie!
Liewe Maretha, baie dankie vir jou mooiste waarderingswoorde! Dankie dat jy en Hennie in ons lewe deel en dat ons ook in julle s’n mag deel. Dankie, Here Jesus, vir kosbare geliefdes in die lewe aan hierdie stukkende kant van die ewigheid. ❤️