hierdie een is vir jou!

Ons het mekaar nog nooit ontmoet nie, maar ons het dieselfde kosbare vriendin.  Toe jy onlangs  op die handgeskrewe nota van jou oorlede ma afgekom en toestemming verleen het dat ek dit ook kon sien, het dit ‘n versameling van gebeure tot gevolg gehad.  Ek het geleer dat jy, Theresa, ‘n besonder dapper vrou met onwrikbare geloof is wie vrou-alleen jou ernstig-gestremde seun grootmaak hier aan die stukkende kant van die ewigheid.  Ek het ook geleer dat jy grootgemaak is deur ‘n ander besonder dapper vrou, Susan Coertzen, ook met onwrikbare geloof, en dat sy reeds haar plek aan die volmaakte kant van die ewigheid ingeneem het.  Beide van julle het my hart en siel aangegryp.  So BAIE DANKIE daarvoor!

Dit was my eer en voorreg om my eersgeborene te kon vra om ‘n liedjie van jou ma se handgeskrewe woorde te maak en hy het dit gedoen.  Ek dra graag hierdie skrywe aan beide van julle op.

Dankie vir die liedjie, Daniel van Aswegen.

NET BY U

Deur Susan Coertzen

Ek glo U is by magte

Ek glo U, U is God

En ek glo U is met my

Selfs ook nou. Hier en nou…

 

Ek glo U is veel groter

as elke berg wat ek moet klim…

Ek glo ook U sal voorsien

In my nood — Ek soek net U

 

Al sou die see opdroog

sal U steeds bly voorsien.

Sou my hart my versaak,

U liefde verlig my pad.

 

Die een ding wat ek weet,

ek weet U’s met my.

U’s my voorsiener.

U’s my voorsiener.

 

Sou U spreek, weet ek luister.

Alleen kan ek niks doen nie.

Daarom kyk ek op na U,

want my hulp vind ek in U,

want my hulp vind ek in U.

 

Al sou die see opdroog

sal U steeds bly voorsien.

Sou my hart my versaak,

U liefde verlig my pad.

 

Die een ding wat ek weet,

ek weet U’s met my.

U’s my voorsiener.

U’s my voorsiener.